Мәхәббәт җырлары

с днем рожденияХәтердә ул тыныч айлы кичләр,
Хәтердә бормалы су юлы.
Онтылмый беренче саф мәхәббәт,
Онтылмый Агыйдел сылуы.

 

 

 

Аерылмагыз

Гөлшат Зәйнәшева сүзләре  Чулпан Зиннәтуллина көе

Су буенда ялгыз аккош,
Каерылган канатлары.
Канатларны каера ул
Аерылу газаплары.

Кушымта:
Аерылмагыз, аерылмагыз,
Булса да сәбәпләре.
Канатларны каера ул
Аерылу сәгатьләре.

Ят кошны пар итмәс аккош,
Ялгыз канат какса да.
Без дә бергә булалмабыз,
Сулар үргә акса да.

Кушымта:
Ялгыз аккош күргән саен
Өзелә бәгырьләрем.
Нигә без бергә чакларның
Белмибез кадерләрен?!

Су буенда ялгыз аккош,
Каерылган канатлары.
Канатларны каера ул
Аерылу газаплары.

Кушымта:
Аерылмагыз, аерылмагыз,
Булса да сәбәпләре.
Гомерләрне кыскарта ул
Аерылу сәгатьләре.

****************************************************

Ак каен

Әзһәр Зәйни сүзләре Зиннур Сафиуллин көе

Сандугачка серен сөйли
Өй артында ак каен.
Шул каенга сыенып елыйм
Сине сагынган саен.

Кушымта:
Мин елыйм, мин елыйм
Сине сагынган саен.

Җырчысын сагынып, каен
Көтеп ала май аен.
Ник булмадык икән лә без:
Мин — сандугач, син — каен?

Кушымта:
Ник булмадык, ник булмадык
Мин — сандугач, син — каен?

Алар бездән бәхетлеләр—
Серләшәләр таң саен.
Ялгыз җанымны яндырма,
Бергә булыйк — тап җаен.

Кушымта:
Җанымны яндырма,
Бергә булыйк — тап җаен!..

********************************************************

Алмагачлары

Татар халык җыры

Алмагачның агачыннан
Кашык юндым мин сиңа.
Уналтыда-унҗидедә
Гашыйк булдым мин сиңа.

Кушымта:
Их, алмагачлары,
Сайрый сандугачлары…

Алма бөрле, алма берле,
Алма чәчәге төрле.
Башкаларга күз дә салмыйм
Сине күргәннән бирле.

Кушымта:
Их, алмагачлары,
Сайрый сандугачлары…

Алма бакчасына керсәм —
Бадьян түтәлләре.
Ал булса да, гөл булса да
Кирәкми бүтәннәре.

Кушымта:
Их, алмагачлары,
Сайрый сандугачлары…

Алма бакчасында үзем,
Гөл бакчасында күзем.
Язып түгел, сөйләшеп тә .
Бетәрлек түгел сүзем.

Кушымта:
Их, алмагачлары,
Сайрый сандугачлары…

Алмагачның алмасын
Ал булмый ашамыйлар.
Яратмагач, башламыйлар,
Башлагач, ташламыйлар.

Кушымта:
Их, алмагачлары,
Сайрый сандугачлары…

Алмагачның алмасын
Асыл кошлар ашасын.
Мине ташлап, ятны сөйсәң,
Ул да миңа охшасын.

Кушымта:
Их, алмагачлары,
Сайрый сандугачлары…

***************************************************

Бер генә минутка

Динә Камалетдинова сүзләре  Фирзәр Мортазин көе

Бер генә минутка, барсын да оныт та,
Кил әле, кил әле яныма.
Ягымлы карашың кояштай карасың
Сагыштан әрнегән җаныма.

Кушымта:
Тик сине эзлим мин, тик сине юксынам,
Бөтенләй югалтсам, нишләрмен?!
Кайларда йөрмәдем, сиңа тиң күрмәдем,
Гел сиңа талпынды хисләрем.

Син тере шатлыгым, тормышым маягы,
Йолдыз син күңелем күгендә.
Бик соңлап кайтсаң да, кайчан да, кайчан да,
Урының йөрәгем түрендә.

Добавить комментарий

Ваш e-mail не будет опубликован. Обязательные поля помечены *