Яңа ел котлаулары шигырь белән

яна елКыш бабай, кыш бабай,
Исән- сау килдеңме?
Син бездә яңа ел
Икәнен белдеңме?

 

Хуш киләсең, Яңа ел!
Яна бер ел артта калды,
Калды артта моңаеп…
Ниләр вәгъдә итә?-
Алдыбызда: Яңа ел!
Булыр микән йөзе һәрчак
Кояш кебек гел көләч?
Куандырыр микән безне
Һәрбер көне – ул килгәч?!
И, Яңа ел, балкып кил син,
Шатлык белән геңә кил:
Әтиләр дә, эниләр дә,
Бабайлар да, әбиләр дә,
Апалар да, абыйлар да,
Һәм, әлбәттә, сабыйлар да –
Сөенсеннәр гелән-гел!
Хуш киләсең, Яңа ел!
Ләбиб Лерон

Яңа ел белән!
Дусларым! Бәйрәм җитә бит!
Бер ел буе алдык аны көтеп.
Онытыйк та иске борчуларны.
Яңа елга атлыйк кыю итеп.
Якты хыялларны юлдаш итик,
Шатлык сәгатьләрен онытмыйк.
Якын иптәш, дус-ахирәт белән
Кулларны да кулга тотыныйк.
Яңа елның яңа кары безгә
Яңа бәхет нуры өстәсен.
Өстәлләргә — муллык, күңелләргә —
Ихлас теләкләрнең көлтәсен!
Г. Закирова
Теләк
Төн уртасы. Сәгать унике.
Теләкләр агыла күңелдән.
Борынгыдан калган гадәт шундый:
Һәр кеше хыялга күмелгән.
Яңа ел теләксез булмый ла,
Хыялсыз йөрәкләр сүрелә.
Ак уйлар, саф хисләр — һәммәсе
Чынлыкка ашар күк күренә.
Изге теләкләрне генә телик,
Мәхәббәт барын да эретә.
Уникене суга сәгать теле —
Өметкә бәхетләр үрелә.
Г. Закирова
Яңа елда
Яңа елда бар да яңа:
Яңа шигырь, яңа җыр.
Якты күзләрдән сирпелә Яңа бәхет, яңа нур.
Яңа елда бар да яңа:
Яңа шәмдәл, яңа сер.
Шәмнәре дә, ялкынланып, Өр-яңача яна гел.
Яңа елда бар да яңа:
Яңа чыршы, яңа сүз.
Йөзләребез яшәрә күк.
Үзебез дә яңа без.
Ләкин…
Үткән яктысыннан
Яктырган йөрәкләрең.
Онытырга һич ярамый
Иске ел теләкләрен.
Яңалык кадерле була,
Сакласаң аклыкларын.
Онытмыйча мәңге саклыйк
Иске ел шатлыкларын.
Г. Гарипова
Ак тәңкәләр — ак теләгем
Талгын гына бөтерелеп
Энҗе тәңкә иңә җиргә.
Карлар яуган ап-ак кичтә
Ак теләкләр телим илгә.
Имин булсын көннәрегез.
Ишетәсезме, әй, кешеләр!
Якты булсын уйларыгыз —
Яңа төшкән кар төслеләр.
Күңелләрдән күңелләргә
Бары шатлык күчеп йөрсен.
Сабый һәрчак әнкәсенең
Елмайганын гына күрсен.
Бар күзләрдә, бар йөзләрдә
Чагылсыннар якты нурлар.
Күңелләрдә һәм телләрдә
Яңгырасын дәртле җырлар.
Ак тәңкәләр иңә җиргә.
Ак тәңкәләр — ак теләгем.
Илгә-көнгә, күңелләргә
Бәхет тели хак йөрәгем.
С. Әхтәмова
Яңа ел теләге
Яңа елның сихри киче.
Ихлас теләкләр сезгә!
Барлык хыял-өметләр дә
Калмасын иде сүздә.
Сәламәтлек ныгый барсын,
Гаилә дус-тату булсын!
Дусларыбызның йөзендә
Елмаю балкып торсын!
Г. Закирова

Добавить комментарий

Ваш e-mail не будет опубликован. Обязательные поля помечены *